बुधबार , असार ६, २०८१
छहारी भवन निर्माणमा बजेट अभाव – News Nepal Media
Trend

बाँकेका द्वन्दपीडित तथा एकल महिला भवन निर्माण अभियानमा जुटेका छन् । द्वन्दपीडित तथा एकल महिलालाई बासको व्यवस्था गर्न भवन निर्माण गर्न लागिएको द्वन्दपीडित तथा एकल महिला सञ्जाल बाँकेकी अध्यक्ष जयन्ती केसीले बताउनुभयो ।

नेपालगञ्ज उपमहानगरपालिकाले वडा नं ९ बाँकेगाउँमा उपलब्ध गराएको जग्गामा रु एक करोड ४९ लाख ४५ हजारको लागतमा साढे दुई तले भवन निर्माण गर्न लागिएको छ । भवन निर्माण गर्न बजेट अभाव रहेको केसीले बताउनुभयो ।

विसं २०७३ मा निर्माण थालेपनि हालसम्म साढे एक तला मात्र बनेको छ । बजेट अभावले निर्माणमा ढिलाइ भएको केसीको भनाइ छ । लुम्बिनी प्रदेश सरकार र नेपालगञ्ज उपमहानगरपालिका बाहेक अन्य स्थानीय तह तथा सङ्घ संस्थाले भवन निर्माणमा सहयोग नगरेको उहाँको गुनासो छ ।

भवन निर्माणका लागि प्रदेश सरकारले रु ४० लाख उपलब्ध गराएको छ । केही रकम नेपालगञ्ज उपमहानगरपालिका र केही वडा कार्यालयबाट उपलब्ध भएको छ । जिल्लाका सबै स्थानीय तहमा भवन निर्माणका लागि पहल गरिने केसीले बताउनुभयो । बाँकेमा करिब ६ हजार एकल महिला रहेको सञ्जालले जनाएको छ । सञ्जालमा श्रीमान्को मृत्य भएका, श्रीमान वेपत्ता भएका, सम्बन्धविच्छेद भएका, बिहे नगरी ३५ वर्ष नाघेका र श्रीमानसँग मानो मुठी छुट्याइएका महिला आवद्ध रहेको केसीले जानकारी दिनुभयो।

प्रतिक्रिया

सम्बन्धित खवर

ताजा अपडेट
धेरै पढिएको

नारायणघाट–बुटवल सडकको दूरावस्थाले घटे लुम्बिनी जाने पर्यटक

नवलपुरमा ब्युटिसियन तालिमका सहभागीलाई दिईयो उद्यमशिलता विकास तालिम

नवलपुर सेवा समाज युएई द्वारा नवलपुरको दश वटा सामुदायिक विद्यालयहरुमा तिन लाखको अक्षयकोष स्थापना

महिला, बालबालिका तथा ज्येष्ठ नागरिक मन्त्री भगवती चौधरी नवलपुर कावासोती आउँदै

छिपछिपे सहकारी ठगी : ७ अभियुक्त पुर्पक्षमा जेल चलान

आजको राशिफल ~ वि.सं. २०८१ ज्येष्ठ २६ गते शनिवार : श्री दाउन्ने देवीकाे कृपाले यी राशिहरूकाे चम्किनेछ भाग्य


TOP