बुधबार , असार ६, २०८१
तरकारी खेतीबाट मनग्य आम्दानी गर्दै कृषक – News Nepal Media
Trend

जिल्लाको उत्तरी भेगका कृषकले तरकारी खेतीबाट मनग्य आम्दानी गर्दै आएका छन् । बुद्धशान्तिको वडा न १, ६ र ७ कृषकले व्यावसायिक तरकारी खेतीबाट नगद आम्दानी गर्दै आएका हुन् । यहाँका कृषकले खुर्सानी, गोलभेँडा, घिरौँला, बन्दा, करेला, धनियाँ, काँक्रो, सिमी, बोडी, कोपी, सागजस्ता तरकारीबाट राम्रो आम्दानी गर्न सफल भएका हुन् ।

टनेल विधिबाट खेती गर्दा मौसमी र बेमौसमी तरकारी दोब्बर उत्पादन हुने भएपछि किसान यसतर्फ आकर्षित भएका छन् । पहिले खुला स्थानमा तरकारी फलाउन नसकेका कृषकले टनेल प्रविधिमा खेती गर्न थालेपछि मनग्य उत्पादन गरिरहेका छन् ।

यहाँका कृषकले बारीमा मकै, कोदो, धानखेतीको सट्टा तरकारीखेती गर्न थालेका हुन् । अन्नबाली छाडेर व्यावसायिक तरकारीखेती गर्न थालेका कृषकमा पैसा कमाउन विदेश नै जानुपर्छ भन्ने मान्यता विपरीत स्वदेशमै राम्रो आम्दानी गर्न सकिने विश्वास पैदा भएको शान्तिनगरका रघुनाथ कोइरालाले बताउनुभयो । उहाँले दुई बिघा छेत्रफलमा सब्जीखेती लाउँदै आउनुभएको छ ।

शान्तिनगरकै अर्का कृषक दलबहादुर राई परम्परागत तरिकालेभन्दा नयाँ विधिबाट गरिएको खेतीले किसानलाई फाइदा दिएको बताउनुहुन्छ । लागत घटाउन, उत्पादन बढाउन र रोग किराको समस्याबाट बच्न टनेलभित्र ‘हाइटेक’ प्रविधि किसानले प्रयोग गर्न थालेका छन् । स्थायी संरचनाको प्लास्टिकको टनेल बनाएर बिरुवाको जराजरामा आवश्यकताअनुसार सिँचाइ हुने थोपा सिँचाइ प्रविधि जडान गरिएको छ ।

थोपा सिँचाइ प्रविधिमार्फत बिरुवाको जरा जरामा पाइपमार्फत बिरुवालाई आवश्यकपर्ने पानी र खाद्य तत्व आपूर्ति गराइन्छ । सुधारिएको गोठ निर्माणले बस्तुभाउको मूत्र पनि सदुपयोग हुने गरेको बाहुनडाँगीका कृषक प्रदीप भण्डारी बताउनुहुन्छ ।

उत्पादन भएको तरकारी बिक्रीका लागि समस्या नभएको बुद्धशान्ति– ६ का तरकारी कृषक राजेन्द्र भट्टराईले बताउनुभयो । यहाँ उत्पादित सब्जी झापाकै बिर्तामोड, दमक, धुलाबारी, काँकडभित्तालगायत बजारमा बिक्री हुने गरेको भट्टराईले बताउनुभयो । तरकारी बेचेर एक सिजनमा करिब रु एक लाखदेखि डेढ लाख आम्दानी हुने गरेको भट्टराईले बताउनुभयो । यस ठाउँका प्रायः सबै कृषकले बेमौसमी सब्जीखेती लाउने गरेका छन् ।

प्रतिक्रिया

सम्बन्धित खवर

ताजा अपडेट
धेरै पढिएको

नारायणघाट–बुटवल सडकको दूरावस्थाले घटे लुम्बिनी जाने पर्यटक

नवलपुरमा ब्युटिसियन तालिमका सहभागीलाई दिईयो उद्यमशिलता विकास तालिम

नवलपुर सेवा समाज युएई द्वारा नवलपुरको दश वटा सामुदायिक विद्यालयहरुमा तिन लाखको अक्षयकोष स्थापना

महिला, बालबालिका तथा ज्येष्ठ नागरिक मन्त्री भगवती चौधरी नवलपुर कावासोती आउँदै

छिपछिपे सहकारी ठगी : ७ अभियुक्त पुर्पक्षमा जेल चलान

आजको राशिफल ~ वि.सं. २०८१ ज्येष्ठ २६ गते शनिवार : श्री दाउन्ने देवीकाे कृपाले यी राशिहरूकाे चम्किनेछ भाग्य


TOP