‘कतिपयले सहानुभूति राख्छन् कतिपयले खिल्ली उडाउँछन्’ – News Nepal Media
Trend

विहानको झुलमुले उज्यालोसँगै मतदाताको घरघरमा पुग्नु र मत माग्नु आजभोलि दुर्पता सोमैको दैनिकी बनेको छ । आगामी मङ्सीरमा हुने निर्वाचनमा पाल्पा जिल्ला क्षेत्र नं २ मा प्रतिनिधिसभामा उमेदवार हुनुभएकी उहाँ जिल्लाको एक्लो महिला उम्मेदवार हुनुहुन्छ । “बिहानैदेखि घरघर जान्छु, मेरो योजना सुनाउँछु, भोट माग्छु”, उहाँ भन्नुहुन्छ, “कतिपयले सहानुभूति राख्छन् कतिपयले खिल्ली उडाउँछन् ।”

प्रतिनिधिसभाको लागि दुई र प्रदेशसभाको छ निर्वाचन क्षेत्र रहेको जिल्लामा दल र स्वतन्त्र गरी ४७ जनाले उमेदवारी दर्ता गराएका छन् । यसमा सोमै एक्ली महिला उमेदवार हुनुहुन्छ, “अरु दलहरुले महिलालाई उमेदवार नबनाएको देख्दा दुःख लाग्यो”, उहाँभन्नुहुन्छ, “महिला अधिकारका चर्का नारा लगाउने दलहरुले नै महिलालाई नेतृत्वमा पुग्न दिँदैनन् ।” जनता समाजवादी पार्टीको जिल्ला सदस्यसमेत रहनुभएकी सोमै सोही पार्टीबाट उमेदवार हुनुहुन्छ । “पार्टीले महिलालाई प्राथमिकता दिएकै छ, हामीले स्थानीयतहको निर्वाचनमा उमेदवारी दिएका दियौँ”, उहाँ भन्नुहुन्छ, “जति भोट आउँला, नजिते पनि महिलालाई स्थान चाही दिएको छ ।”

विसं २०७२ देखि जसपामा आबद्ध भई राजनीतिमा होमिनुभएकी सोमैको यो पहिलो उमेदवारी हो ।

जसपाका जिल्ला उपाध्यक्ष हेमबहादुर सोमै, महिलालाई प्राथमिकता दिएर चुनाव लड्ने पार्टीकै एजेण्डा भएको बताउनुहुन्छ, महिलाले सक्दैनन् भन्ने हटाउन पनि महिलालाई प्राथमिकता दिएको सोमैको भनाई छ ।

क्षेत्र नं २ बाट छैटौँ पटक निर्वाचनमा होमिनुभएका पूर्वउद्योगमन्त्री सोमप्रसाद पाण्डेय र नेकपा (एमाले) पोलिटब्यूरो सदस्य ठाकुर गैरे पनिसँगै चुनावी मैदानमा हुनुहुन्छ । राजनीतिक दलहरुबाट १२ जना र स्वतन्त्रबाट तीन जना गरी १५ जनाले प्रतिनिधिसभाको उमेदवारी मनोनयन दर्ता गराएका छन् । निर्वाचन क्षेत्र नं २ का निर्वाचन अधिकृत कमलराज विष्टका अनुसार गठबन्धनबाट पाण्डेय, एमालेबाट गैरे, मङ्गोल नेशनल अर्गनाइजेशनबाट मनबहादुर दर्लामी, राष्ट्रिय स्वतन्त्र पार्टीबाट सोमप्रसाद गैरे, जसपाबाट सोमै, राष्ट्रिय प्रजातन्त्र पार्टीबाट भोजिन्द्रबहादुर केसी, नेमकिपा बाट शिवसुन्दर धुरम्बा, नेपालआमा पार्टीबाट ताराबहादुर खत्री, राष्ट्रिय जनमुक्ति पार्टीबाट हुमबहादुर थापा, राप्रपा नेपालबाट खडानन्द गैरे, जन समाजवादी पार्टीबाट देवबहादुर हिस्की, नेपाली कांग्रेस विपीबाट श्रीधर न्यौपाने र स्वतन्त्र उपेन्द्रराज गहिरे, केशरबहादुर आले, जीवलाल सुवेदी गरी १५ ले मनोनयन दर्ता गरेका छन् ।

प्रतिक्रिया

सम्बन्धित खवर

ताजा अपडेट
धेरै पढिएको

नारायणघाट–बुटवल सडकको दूरावस्थाले घटे लुम्बिनी जाने पर्यटक

नवलपुरमा ब्युटिसियन तालिमका सहभागीलाई दिईयो उद्यमशिलता विकास तालिम

नवलपुर सेवा समाज युएई द्वारा नवलपुरको दश वटा सामुदायिक विद्यालयहरुमा तिन लाखको अक्षयकोष स्थापना

महिला, बालबालिका तथा ज्येष्ठ नागरिक मन्त्री भगवती चौधरी नवलपुर कावासोती आउँदै

छिपछिपे सहकारी ठगी : ७ अभियुक्त पुर्पक्षमा जेल चलान

आजको राशिफल ~ वि.सं. २०८१ ज्येष्ठ २६ गते शनिवार : श्री दाउन्ने देवीकाे कृपाले यी राशिहरूकाे चम्किनेछ भाग्य


TOP