दीर्घरोगीको सहयोगार्थ स्वास्थ्योपचार कोष स्थापना – News Nepal Media
Trend

इलाम नगरपालिकाले दीर्घरोगी तथा कडा रोग भएका बिरामीको उपचार सहयोगार्थ स्वास्थ्योपचार कोष स्थापना गर्ने भएको छ । यसका लागि कोषमा निर्वाचित नगरप्रमुखको तर्फबाट मासिक रु तीन हजार, उपप्रमुखबाट मासिक रु दुई हजार र कार्यपालिका सदस्यबाट मासिक रु एक हजार जम्मा गरिने जनाइएको छ । कोषमा नगरप्रमुख, उपप्रमुख र कार्यपालिका सदस्यबाट पाउने सेवा–सुविधाबाट नै कटाएर जम्मा गर्ने निर्णय भएको नगरप्रमुख केदार थापाले जानकारी दिनुभयो ।

उहाँले इलाम नगरपालिकामा यस्ता बिरामीको सङ्ख्या बढ्दै गएको र कतिले अझै पनि आर्थिक अभाव भएकै कारण उपचार गर्न समस्या भएको जनाउँदै सहयोगका लागि कोष स्थापना गर्ने निर्णय भएको जानकारी दिनुभयो । कोष खडा गरी प्रमुख प्रशासकीय अधिकृत र लेखा अधिकृतको दस्तखतबाट खाता सञ्चालन गरिने नगरपालिकाका प्रवक्ता तथा वडा नं ४ का वडाध्यक्ष नुतनदेव दुलालले जानकारी दिनभयो ।

उहाँले नगर कार्यपालिकाको बैठकले विभिन्न निर्णयसमेत गरेको जानकारी दिनुभयो । सोही बैठकले पाँचवटा विषयगत समितिसमेत निर्माण गरिएको छ । इलाम नगरपालिका, विषयगत समिति कार्यसञ्चालन कार्यविधि, २०७८ को दफा ३ (१)बमोजिम समितिको संयोजक र सदस्य चयन गरिएको बताइएको छ । कार्यपालिका बैठक नगरपालिकाको फेसबुक पेज र इलाम चोक बजारमा राखिएको डिस्प्लेबाट समेत प्रत्यक्ष अडियो र भिडियो प्रसारण गरिएको थियो ।

प्रतिक्रिया

सम्बन्धित खवर

ताजा अपडेट
धेरै पढिएको

नारायणघाट–बुटवल सडकको दूरावस्थाले घटे लुम्बिनी जाने पर्यटक

नवलपुरमा ब्युटिसियन तालिमका सहभागीलाई दिईयो उद्यमशिलता विकास तालिम

नवलपुर सेवा समाज युएई द्वारा नवलपुरको दश वटा सामुदायिक विद्यालयहरुमा तिन लाखको अक्षयकोष स्थापना

महिला, बालबालिका तथा ज्येष्ठ नागरिक मन्त्री भगवती चौधरी नवलपुर कावासोती आउँदै

छिपछिपे सहकारी ठगी : ७ अभियुक्त पुर्पक्षमा जेल चलान

आजको राशिफल ~ वि.सं. २०८१ ज्येष्ठ २६ गते शनिवार : श्री दाउन्ने देवीकाे कृपाले यी राशिहरूकाे चम्किनेछ भाग्य


TOP