विराटनगरमा प्रहरी र प्रदर्शनकरीबीच झडप हुँदा कम्तिमा १२ जना घाइते भएका छन्।

विराटनगरको होटेल बिगमा दिगो विकास लक्ष्य प्राप्तिका लागि स्रोत व्यवस्थापनसम्बन्धी अन्तरक्रियात्मक कार्यशालामा सहभागी हुन आउने सांसदहरूलाई दबाब दिन पुगेका पहिचान पक्षधर र प्रहरी बीच झडप भएको थियो।

झडपमा तीन जना सशस्त्र प्रहरी तथा तीन जना नेपाल प्रहरीका जवान घाइते भएका छन् भने छ जना प्रदर्शन पक्षतर्फका घाइते भएका छन्।

प्रदर्शनकारीहरुले प्रहरीमाथि ढुंगामुढा गरेको र प्रहरीले आन्दोलनकारी माथि पानीको फोहराका साथै अश्रुग्यास छोडेको जनाइएको छ।

प्रदर्शनकारीहरुले प्रहरीमाथि ढुंगामुढा गरेका थिए । झडपपछि आन्दोलनकारी फर्किएका छन् भने स्थिति सामान्यतर्फ फर्किएको छ ।