मुगुमा कांग्रेसका शाहीको अग्रता कायमै
मुगुमा प्रतिनिधिसभा सदस्यतर्फ सत्ता गठबन्धनबाट नेपाली कांग्रेसले अग्रता कायमै राखेको छ । पछिल्लो मतगणनाअनुसार कांग्रेसका उम्मेदवार ऐनबहादुर शाहीले पाँच हजार सात सय ८२ मत प्राप्त गर्नुभएको छ ।
जिल्ला निर्वाचन अधिकृत विष्णुप्रसाद न्यौपानेका अनुसार नेकपा (एमाले) का उम्मेदवार राजबहादुर कार्कीले चार हजार पाँच सय २० मत प्राप्त गर्नुभएको छ । शाही र कार्कीबीच एक हजार दुई सय ६२ मतान्तर रहेको छ ।
त्यस्तै प्रदेशसभा (१) मा एमालेका जीतबहादुर मल्लले एक हजार नौ सय नौ तथा सत्ता गठबन्धनबाट नेकपा (एकीकृत समाजवादी) का गोपालबहादुर बमले एक हजार सात सय चार मत प्राप्त गर्नुभएको छ ।
प्रदेशसभा (२) मा एमालेका कर्णबहादुर मल्लले एक हजार तीन सय ५० र नेकपा ( माओवादी केन्द्र) का मङ्गलबहादुर शाहीले एक हजार सात सय १७ मत प्राप्त गर्नुभएको निर्वाचन कार्यालयले जनाएको छ ।
