नवलपुरमा आएको वर्षासहितको हावा हुरीले १९ घर गोठमा क्षति
नवलपुर, जेठ २७ गते । नवलपुरमा मंगलबार साँझ आएको वर्षासहितको हावा हुरीले १५ घर गोठमा क्षति पुर्याएको छ । बिनयी त्रिवेणी गाउँपालिका–१ सिसेनीका १७ वटा घर र २ वटा गोठमा क्षति भएको जिल्ला प्रहरी कार्यालयले जनाएको छ ।
वर्षासहित आएको हावा हुरीले सिसेनीका भोज बहादुर खनगाहा, मोतिराम खाति, धनिसरा सोमै मगर, मन बहादुर राना, पार्वती बिक, रुपा बिक, केम बहादुर बिक, शेर बहादुर दराई, कमला कुमाल, शेर बहादुर कुमाल, दिपेन्द्र ढेंगा र कान्छा कुमालको घरको छाना उडाएको जिल्ला प्रहरी कार्यालय प्रमुख, प्रहरी उपरीक्षक युवराज खड्काले जानकारी दिए ।
त्यस्तै सोही ठाउँका गुन बहादुर दराई, बीर बहादुर दराई, क्षेत्र बहादुर दराई, नर बहादुर बिक, ओम बहादुर कुमाल, सलिना कुमाल र लाल बहादुर परियारको घरमा पनि क्षति पु¥याएको खड्काले जानकारी दिए । हावा हुरीबाट मानवीय तथा पशु चौपायमा भने क्षति नभएको प्रहरीले जनाएको छ ।
