आज सुनको मूल्य १ हजारले घटेको छ। बजारमा छापावाल सुन १ हजार रुपैयाँले घटेर प्रतितोला १ लाख १ हजार ५ सय रुपैयाँ कायम भएको नेपाल सुनचाँदी व्यवसायी महासंघले जनाएको छ।

बुधबार तेजाबी सुन प्रतितोला १ लाख १ हजार रुपैयाँमा कारोबार भइरहेको छ। यसअघि सुनको मूल्य ३ सय रुपैयाँले घटेर प्रतितोला १ लाख २ हजार ५ सय रुपैयाँमा कारोबार भएको थियो ।

त्यसैगरी चाँदी ४० रुपैयाँले घटेर प्रतितोला १ हजार २ सय २५ रुपैयाँ कायम भएको छ।