नेपाली सुनचाँदी बजारमा आज सुनको मूल्य फेरि घटेको छ। साताको दोस्रो दिन छापावाल सुन २ सय रुपैयाँले घटेर प्रतितोला १ लाख ९ हजारमा कारोबार भइरहेको नेपाल सुनचाँदी व्यवसायी महासंघले जनाएको छ।

यसअघि छापावाली सुनको मूल्य प्रतितोला ६ सय रुपैयाँले घटेर प्रतितोला १ लाख ९ हजार २ सय रुपैयाँमा कारोबार भएको थियो।

आज तेजाबी सुन प्रतितोला १ लाख ८ हजार ५ सय रुपैयाँ कारोबार भइरहेको छ। यसअघि प्रतितोला १ लाख ८ हजार ७ सय रुपैयाँमा कारोबार भएको थियो।

यस्तै महासंघको अनुसार आज चाँदी १० रुपैयाँले घटेर प्रतितोला १ हजार ३ सय ६० रुपैयाँमा कारोबार भइरहेको छ।