नेपाली फिल्महरु टिकटकमा लिक हुन थालेपछि बोर्ड अध्यक्ष केसीले दिए यस्तो जवाफ
नेपाली फिल्महरु टिकटक, युट्युब मा लिक हुन थालेपछि चलचित्र विकास बोर्डले सिनेमा साइबर सेक्युरिटीको डेस्क सञ्चालनमा ल्याउने तयारी गरेको छ । उक्त घटना बढ्न थालेपछि बोर्डले हटलाइन नम्बरसहितको ‘सिनेमा साइबर सेक्युरिटी’को डेडिकेटेड डेस्क सञ्चालन गर्न लागेको हो।
बोर्डको आयोजित पत्रकार सम्मेलनमा प्रविधि विकासको काम सुरू भएको भन्दै बोर्ड अध्यक्ष भुवन केसीले साइबर सुरक्षासँगै डिजिटल प्रविधिमा लैजाने योजना ‘डेमोस्ट्रेसन’ गरिएको बताए।
उनले भने, ‘टिकटक, युट्युब र फेसबुकजस्ता सामाजिक सञ्जालका माध्यमबाट निर्मातालाई आफ्नो काम प्रदर्शन गर्न र फराकिलो दर्शकसम्म पुग्न सजिलो भएको छ। यद्यपि, यसले नै साइबर सुरक्षाको विषयमा नयाँ चुनौती पनि सिर्जना गरेको छ। यसको असर चलचित्र अनलाइन लिक वा पाइरेटेड भएका छन्।
