चितवन, असार ७ – ‘Time for Change, Youth for Change’ नारासहित चितवनको होटल स्टारमा “Teenager’s Collaboration: Study in Nepal & Abroad with Career Counseling” नामक करियर काउन्सेलिङ कार्यक्रम सम्पन्न भएको छ।

सेन्ट्रल कलेज अफ भोकेशनल ट्रेनिङ प्रालिको मुख्य प्रायोजनमा आयोजित कार्यक्रममा करिब ७० जना किशोरकिशोरीको उत्साहजनक सहभागिता देखिएको थियो। कार्यक्रमका प्रमुख वक्ता तथा सेन्ट्रल मोडल कलेजका अध्यक्ष एवं सेन्ट्रल कलेज अफ भोकेशनल ट्रेनिङका प्रिन्सिपल यज्ञ बिलास (वाइबी) पौडेलले किशोर अवस्थामा नै आफ्नो रुचिअनुसारको करियर छान्नुपर्नेमा जोड दिनुभयो।

उहाँले युवाहरूलाई नेपालमै केही गर्न सकिने सम्भावना खोज्न आग्रह गर्दै सेन्ट्रल कलेजले नेपालमा BHM (Bachelor in Hotel Management) र BIM (Bachelor in Information Management) जस्ता व्यावसायिक कोर्सहरू सञ्चालन गरिरहेको जानकारी दिनुभयो।

विदेशमा अध्ययन गर्न चाहने विद्यार्थीका लागि पनि सेन्ट्रल कलेजले विभिन्न मुलुकहरूमा सहुलियतपूर्ण प्रक्रियाबाट उच्च शिक्षामा पठाउने व्यवस्था गरेको उहाँले उल्लेख गर्नुभयो। कार्यक्रममा सहभागी विद्यार्थीहरूले काउन्सेलिङबाट भविष्यको योजना बनाउन सहयोग पुगेको प्रतिक्रिया दिएका छन्।