चितवन जिल्लामा शैक्षिक परामर्श तथा भाषा प्रशिक्षण कक्षा सञ्चालन गर्दै आएका ६७ संस्थालाई जिल्ला प्रशासन कार्यालय, चितवनले तीन दिनभित्र अनुमति प्रमाणपत्र पेश गर्न सूचना जारी गरेको छ। गृह मन्त्रालयको निर्देशनअनुसार, यस्ता परामर्श तथा भाषा तालिम केन्द्रहरूले शिक्षा, सामाजिक विकास मन्त्रालय वा सम्बन्धित नियामक निकायबाट प्राप्त अनुमति तथा दर्ता प्रमाणपत्रसहितका कागजातहरू पेश गर्नुपर्ने सूचनामा उल्लेख छ।

सूचनामा भनिएको छ, अनुमति प्राप्त नगरी सञ्चालनमा रहेका संस्थाहरूले तीन दिनभित्र आवश्यक कागजातसहित स्पष्ट विवरण पेश नगरेमा ती संस्था बन्द गरिने जनाइएको छ । साथै, विदेशी शैक्षिक परामर्शदाता संस्था वा ट्रेडमार्कको लोगो प्रयोग गर्नेमध्ये सम्झौता र प्रमाणपत्र देखाउनु पर्ने उल्लेख गरिएको छ।

अनुमतिविना भाषा परीक्षा सञ्चालन गर्ने संस्थाहरूलाई समेत कडाइका साथ निगरानी गरिने जनाइएको छ।