नेपाली सुनचाँदी बजारमा आज मूल्यले नयाँ कीर्तिमान कायम गरेको छ। सुनको मूल्य प्रतितोला २ हजार ९३३ रुपैयाँले बढ्दा सुनचाँदी बजारले नयाँ रेकर्ड कायम गरेको हो। पछिल्लो दश दिनमा अहिले सम्म निरन्तर रुपले ९ हजार ३३ रुपैयाँले बढेको छ।

आज नेपाली बजारमा सुनको मूल्य तोलामा १ लाख १० हजार रुपैयाँ कायम भएको नेपाल सुनचाँदी व्यवसायी महासंघले जनाएको छ। यसअघि सुनको उच्च मूल्यको किर्तिमान तोलामा १ लाख ७ हजार ५०० रुपैयाँको थियो ।

यस्तै तेजाबी सुन प्रतितोला १ लाख ९ हजार ६ सय रुपैयाँमा कारोबार भइरहेको छ । साथै चाँदी ३५ रुपैयाँले बढेर प्रतितोला १ हजार ३ सय ४५ रुपैयाँ कायम भएको छ ।