बाँकेमा एक विद्यालयले एसईई परिक्षा शुल्क नतिरेको भन्दै प्रवेशपत्र नदिएपछि आमाले आफ्नो तिलहरी धितो राखी छोइरालाई परिक्षा दिन पठाएकी छन्।

कोहलपुर–२, गौरीनगरकी कस्तुरी बुढाले आफ्नो छोरा पृथीबहादुरको माध्यमिक शिक्षा परीक्षा (एसइई) शुल्क बुझाउन आफ्नो तिलहरी धितो राखेकी हुन्। पढाइको शुल्क तिर्न नसकेपछि उनले उक्त तिलहरी धितो राखेर प्रवेशपत्र झिकेको बताइएको छ।

बाँकेको बैजनाथ गाउँपालिका– ४ तिलकपुरस्थित समावेशी माध्यमिक विद्यालयले परीक्षाका लागि प्रवेशपत्र नदिएपछि कोहलपुर– २ बस्ने कस्तुरी बुढाले नजिकैको सुन पसलमा गहना धरौटीमा राखेर कम ल्याएकी थिइन् ।

विद्यालयमा ५ सय ५० विद्यार्थीहरू अध्ययनरत छन् । विद्यालयले शुल्क नभनी विद्यार्थीबाट मासिक सहयोगका नाममा रकम लिने गरेको छ ।