जबरजस्ती करणी गरेको भन्दै झुठो मुदा हाल्ने तिन जना महिलालाई रोल्पा जिल्ला अदालतले कैद सजाय सुनाएको छ। जबरजस्ती करणीका तीनवटा मुद्दा झुटो भएको ठहर भएपछि अदालतले उनीहरुलाई ३/३ महिना जेल सजाय सुनाएको हो।

अदालतले झुठो मुद्दा चलाउनु अपराध रहेको भन्दै तीनै जनालाई कैद सजाय हुने फैसला गरेको थियो। साथै जिल्ला अदालतको यही चैत ६ गतेको फैसलाअनुसार जबरजस्ती करणीको झुटो जाहेरी दिएकी माडी गाउँपालिकाकी एक महिलालाई तीन महिना कैद सजाय तोकिएको छ ।

यस्तै अदालतले जबरजस्ती करणीसम्बन्धी अर्को मुद्दामा लिवाङकी एक महिलालाई उनको जाहेरी झुटो ठहरेको भन्दै तीन महिना कैद सजाय हुने फैसला चैत २ गते सुनाएको थियो ।