विपद् व्यवस्थापन सहयोग सामग्री हस्तान्तरण – News Nepal Media
Trend

काभ्रेपलाञ्चोकको कोसीपारिस्थित भुम्लु गाउँपालिकालाई विपद्मा पर्ने नागरिकलाई सहयोग पु¥याउने उद्देश्यले विपद् व्यवस्थापन सहयोग सामग्री उपलब्ध गराइएको छ । नेपाली कांगे्रस भुम्लु गाउँपालिका इकाई समिति, नेपाल विद्यार्थी सङ्घ काभ्रेपलाञ्चोक र तरुण दल काभ्रेपलाञ्चोकले गाउँपालिकालाई संयुक्त रुपमा जस्तापाता र त्रिपाल उपलब्ध गराएको हो ।

अविरल वर्षाका कारण भुम्लु गाउँपालिकाको विभिन्न स्थानमा पहिरोका कारण बस्ती जोखिममा परेर नागरिकलाई समस्या भएपछि गाउँपालिकामाफर्त नागरिकलाई सहयोग गर्न सो सामग्री उपलब्ध गराएको हो । “अविरल वर्षासँगै गाउँपालिकाको विभिन्न ठाउँमा बाढी र पहिरोले क्षति पुगेपछि नागरिकको सहयोगको लागि हामीले संयुक्त रुपमा जस्तापाता र त्रिपाल उपलब्ध गराएका हौँ”, नेपाल विद्यार्थी सङ्घका नेता अञ्जनराज खतिवडाले भन्नुभयो, “यस सामग्रीले पीडित नागरिकलाई थोरै भए पनि राहत मिल्नेछ ।”

भुम्लु गाउँपालिका अध्यक्ष प्रेमबहादुर भुजेलले विपद्बाट समस्यामा परेका नागरिकलाई सहयोगको लागि उपलब्ध गराइएको सामग्रीले पालिकालाई समेत ठूलो हौसला मिलेको बताउनुभयो । गाउँपालिकालाई उपलब्ध गराएको सामग्रीमा १५ बण्डल जस्तापाता र ८ थान त्रिपाल रहेको छ ।

भुम्लु गाउँपालिकाको सापिङ, चौवास, सिमथली र खेबसिम्ले लगायतको ठाउँमा अविरल वर्षाका कारण पहिरो गएपछि करिब २४ घर परिवारलाई स्थान्तरण नै गर्नुपर्ने अवस्था रहेको गाउँपालिकाले जनाएको छ । पहिरोका कारण अति समस्यामा रहेको सापिङका महतबस्तीका नागरिकको अस्थायी व्यवस्थापनको लागि गाउँपालिकाले पनि आवश्यक जस्तापाता खरिद गरेर अस्थायी बासस्थान निर्माणको काम गरिरहेको र अन्य ठाउँमा पनि क्रमशः व्यवस्थापन गर्दै जाने पालिका अध्यक्ष भुजेलले बताउनुभयो ।

प्रतिक्रिया

सम्बन्धित खवर

ताजा अपडेट
धेरै पढिएको

नारायणघाट–बुटवल सडकको दूरावस्थाले घटे लुम्बिनी जाने पर्यटक

नवलपुरमा ब्युटिसियन तालिमका सहभागीलाई दिईयो उद्यमशिलता विकास तालिम

नवलपुर सेवा समाज युएई द्वारा नवलपुरको दश वटा सामुदायिक विद्यालयहरुमा तिन लाखको अक्षयकोष स्थापना

महिला, बालबालिका तथा ज्येष्ठ नागरिक मन्त्री भगवती चौधरी नवलपुर कावासोती आउँदै

छिपछिपे सहकारी ठगी : ७ अभियुक्त पुर्पक्षमा जेल चलान

आजको राशिफल : वि.सं. २०८१ ज्येष्ठ २८ गते सोमवार || श्री पाथिभरा माताकाे कृपाले यी राशिहरूकाे चम्किनेछ भाग्य


TOP