देशको उन्नति र जनताको अधिकार प्राप्तिका लागि जीवनभर लडेको-नेता पौडेल – News Nepal Media
Trend

नेपाली कांग्रेसका वरिष्ठ नेता रामचन्द्र पौडेलले देशको उन्नति र जनताको अधिकार प्राप्तिका लागि जीवनभर लडेको बताउनुभएको छ। उहाँले संचारकर्मीहरु संग कुराकानी गर्दै आफ्नो जीवन दर्शन र जीवनभरको क्रियाशीलता तथा सङ्घर्ष लोकतन्त्र, देशको उन्नति र जनताको अधिकार प्राप्तिका लागि रहेको बताउनुभएको हो।

आठदलीय गठबन्धनका तर्फबाट राष्ट्रपतिका उम्मेदवार नेता पौडेलले आफू प्रजातन्त्रका लागि छ दशकदेखि लड्दै आएकाले वर्तमान संविधान र लोकतन्त्रको रक्षा नै पहिलो कर्तव्य र जिम्मेवारी हुने उल्लेख गर्नुभयो।

“संविधान र लोकतन्त्रसहित परिवर्तनका उपलब्धिको रक्षा गर्ने सन्दर्भमा राष्ट्रपतिको महत्वपूर्ण भूमिका हुन्छ । राष्ट्रपतिको उम्मेदवारीका लागि भएका छलफलमा सबै दल र साथीहरूको सहमतिपछि म उम्मेदवार भएँ, उहाँले भन्नुभयो, “जनताले अपेक्षा गरेअनुसारको यदि मैले आचरण र संविधानको परिपालन गर्न सकेँ भने शीतलनिवासबाट सबैले शीतलताको छहारी पाउनेछन् ।”

यस्तै पुर्वसभामुख समेत रहनुभएको पौडेलले परिवर्तनका यी उपलब्धिको रक्षा राष्ट्रपति पदबाट पूर्ति हुने तर्क गर्नुभयो। “दल र अरु साथीहरूका बीच यही कुरामा सहमति भएर नै म उम्मेदवार बनेको छु । संविधानको रक्षा नै पहिलो कर्तव्य हो। उहाँले भन्नुभयो, लोकतन्त्रका लागि मैदानबाटै लड्दै आएको मान्छे हुँ ।”

यस्तै आठदलीय गठबन्धनको तर्फबाट आफु राष्ट्रपतिको साझा उम्मेदवार भएपछि नेपालको राजनीतिक वायुमण्डलमा सन्तोष र न्यायको अनुभूतिजस्तो देखिरहेको नेता पौडेलले बताउनुभयो।

आसन्न राष्ट्रपतिको निर्वाचन अब आउन ४ मात्रै बाँकी रहेको छ।

 

प्रतिक्रिया

सम्बन्धित खवर

ताजा अपडेट
धेरै पढिएको

नारायणघाट–बुटवल सडकको दूरावस्थाले घटे लुम्बिनी जाने पर्यटक

नवलपुरमा ब्युटिसियन तालिमका सहभागीलाई दिईयो उद्यमशिलता विकास तालिम

नवलपुर सेवा समाज युएई द्वारा नवलपुरको दश वटा सामुदायिक विद्यालयहरुमा तिन लाखको अक्षयकोष स्थापना

महिला, बालबालिका तथा ज्येष्ठ नागरिक मन्त्री भगवती चौधरी नवलपुर कावासोती आउँदै

छिपछिपे सहकारी ठगी : ७ अभियुक्त पुर्पक्षमा जेल चलान

आजको राशिफल : वि.सं. २०८१ ज्येष्ठ २८ गते सोमवार || श्री पाथिभरा माताकाे कृपाले यी राशिहरूकाे चम्किनेछ भाग्य


TOP