![](https://newsnepalmedia.com/wp-content/uploads/2023/03/Untitled-design-18.png)
बाँकेमा नहरमा नुहाउने क्रममा दुई बालकको मृत्यु भएको छ। मंगलबार बाँकेको कोहलपुरस्थित एक नहरमा डुबेर उनीहरुको मृत्यु भएको प्रहरीले जानाएको छ। अस्पतालमा उपचारको क्रममा उनीहरुको मृत्यु भएको हो।
कोहलपुर-१२ चप्परगौडीका दीपज्योति बोर्डिङ स्कुलमा अध्ययन गर्ने १५ वर्षीय मनसुन बराल र ज्ञानज्योति स्कुलमा पढ्ने ९ बर्षीय अनिल भट्टराई रहेको इलाका प्रहरी कार्यालय, कोहलपुरका प्रहरी नायब उपरीक्षक सुन्दर तिवारीले जानकारी दिए।
![](https://newsnepalmedia.com/wp-content/uploads/2024/06/wada-7-.jpg)
![](https://newsnepalmedia.com/wp-content/uploads/2023/05/add-aantarik-mamila-1024x1024.jpg)
उहाँको अनुसार होली खेलेर नुहाउन गएका उनीहरू नहरमा डुबेका थिए। पछि उनीहरुलाई प्रहरीले उद्धार गरेर कोहलपुर मेडिकल कलेज पुर्याएको थियो।
यस्तै नुहाउन गएका पाँचजनामध्ये दुई बालक डुबेको प्रहरीको भनाइ छ ।