पछिल्लो केहि दिन यता पुन: कोरोना संक्रमण बढ्न थालेको छ। कोरोना भाइरसको सङ्क्रमण सुदूरपश्चिम प्रदेशमा बढ्न थालेको जनाइएको छ। यसअघि उक्त प्रदेशमा कोरोना संक्रमणको दर घटेको थियो।

स्वास्थ्य निर्देशनालय दिपायलको अनुसार पछिल्लो २४ घन्टामा छ जनामा कोरोनाको सङ्क्रमण देखिएको छ । यो तथ्याङ्कमा केही दिन अघिका कोरोना सङ्क्रमितको सङ्ख्यासमेत समेटिएको निर्देशनालयले जनाएको छ ।

यस्तै तीन सय ९१ जनाको एन्टिजेन विधिबाट कोरोना भाइरसको नमुना परीक्षण गरिएको थियो । कोरोनाको सङ्क्रमण दर केही बढे पनि रोगले हुने मृत्यु दर भने शून्य छ ।

कोरोना भाइरसको समस्या देखिएयता हालसम्म सुदूरपश्चिममा छ लाख ३९ हजार चारसय ८८ को नमूना परीक्षण भइसकेको छ । यीमध्ये ६१ हजार आठ सय ९० जनामा कोरोना भाइरसको सङ्क्रमण पुष्टि भएको छ ।

सम्बन्धित खवर

ताजा समाचार

लोकप्रिय