गोकर्णेश्वरमा कांग्रेसको विजय रयाली – News Nepal Media
Trend

गोकर्णेश्वर नगरपालिकाको प्रमुख पदमा विजय हासिल गरेको नेपाली कांग्रेसले जोरपाटीबाट सुन्दरीजलसम्म विजय जुलुस निकालेको छ ।
विजय रयालीमा नवनिर्वाचित नगरप्रमुख दीपक रिसाल, पूर्व नगरप्रमुख एवं कांग्रेस काठमाडौँ ३ नं क्षेत्रीय सभापति सन्तोष चालिसे, नवनिर्वाचिन वडाअध्यक्ष नारायणबहादुर सुवेदी, नन्दलाल श्रेष्ठ र राजीव थापालगायत नवनिर्वाचित वडा सदस्य, पार्टीका नेता कार्यकर्ताको सहभागिता थियो ।
विजय रयालीपछि सुन्दरीजलस्थित बिपी सङ्ग्रहालय पुगी कांग्रेसका संस्थापक नेता एवं प्रथम जननिर्वाचित प्रधानमन्त्री बिपी कोइराला, सर्वोच्च नेता गणेशमान सिंह र पहिलो सभामुख कृष्णप्रसाद भट्टराई, पार्टी नेता रामनारायण मिश्र, दिवानसिंह राई र योगेन्द्रमान शेरचनलगायत नेताको सालिकमा नवनिर्वाचित नगरप्रमुख रिसाललगायतका जनप्रतिनिधिले माल्यार्पण गर्नुभएको थियो । माल्यार्पणपछि विजय रयाली जोरपाटी चोकमै आएर समापन भएको थियो ।
बुधबार सम्पन्न मतगणनमा रिसाल नेकपा (एमाले)का नगरप्रमुख पदका उम्मेदवार उद्धव विष्टभन्दा एक हजार १८८ मतान्तरमा विजयी हुनुभएको थियो । उपप्रमुखमा भने एमालेकी सान्नानी लामा विजयी हुनुभयो । वडा नं १, २, ३, ६ र ७ को वडाध्यक्षमा एमालेका उम्मेदवार विजयी भएका छन् । वडा नं ५, ८ र ९ को वडाध्यक्षमा कांग्रेसका उम्मेदवार विजयी भएका छन् ।
विसं २०७४ को स्थानीय तह निर्वाचनमा नगरप्रमुख, उपप्रमुखमा कांग्रेसका उम्मेदवार विजय भएका थिए । त्यसबेला वडा नं १, ३, ५, ६, ८ र ९ को वडाध्यक्ष पनि कांग्रेसले जितेको थियो । वडा नं २ मा राप्रपाले वडाध्यक्ष जितेको थियो । वडा नं ४ र ७ मा भने एमालेले वडाध्यक्ष जितेको थियो ।

प्रतिक्रिया

सम्बन्धित खवर

ताजा अपडेट
धेरै पढिएको

नारायणघाट–बुटवल सडकको दूरावस्थाले घटे लुम्बिनी जाने पर्यटक

नवलपुरमा ब्युटिसियन तालिमका सहभागीलाई दिईयो उद्यमशिलता विकास तालिम

नवलपुर सेवा समाज युएई द्वारा नवलपुरको दश वटा सामुदायिक विद्यालयहरुमा तिन लाखको अक्षयकोष स्थापना

महिला, बालबालिका तथा ज्येष्ठ नागरिक मन्त्री भगवती चौधरी नवलपुर कावासोती आउँदै

छिपछिपे सहकारी ठगी : ७ अभियुक्त पुर्पक्षमा जेल चलान

आजको राशिफल : वि.सं. २०८१ ज्येष्ठ २८ गते सोमवार || श्री पाथिभरा माताकाे कृपाले यी राशिहरूकाे चम्किनेछ भाग्य


TOP