गाउँगाउँमा लागुऔषधविरुद्ध सचेतना – News Nepal Media
Trend

प्रहरीले जाजरकोटका सबै पालिकामा लागुऔषधविरुद्ध सचेतना कार्यक्रम सुरु गरेको छ । जिल्लाका विद्यालय तथा गाउँमा सचेतना कार्यक्रम सुरु गरिएको प्रहरी नायव उपरिक्षक सन्तोष निरौलाले बताउनुभयो । छुवाछुतविरुद्ध अभियानसमेत सञ्चालन गरेको प्रहरीले सँगै लागुऔषधविरुद्ध पनि कार्यक्रम सुरु गरेको हो ।

कुशे गाउँपालिका–७ समाकोटस्थित नेपाल राष्ट्रिय माध्यामिक विद्यालयमा लागुऔषध ओसारपसारविरुद्ध सचेतनामुलक कार्यक्रम सुरु गरिएको प्रहरीले बताएको छ । जाजरकोटमा सात पालिका रहेका छन् । लागुऔषधको बिक्रीवितरण लगायका विषयले समस्याकै रुप लिएपछि प्रहरीले अभियान सञ्चालन गरेको हो ।

विद्यालय उमेरका बालबालिकालाई सचेतना जगाउन सके मात्र धेरै समस्या समाधान हुने प्रहरीको भनाइ छ । स्थानीय तहका जनप्रतिनिधिसँग मिलेर प्रहरीले आफ्नो अभियानलाई तीव्रता दिएको छ । जुवातास जस्ता समाजमा विकृति फैलाउने कुरालाईसमेत निगरानी गरेको प्रहरीले पछिल्लो समय भने जनपक्षीय काम गर्दै आएको स्थानीयवासी बताउँछन् ।

त्यस्तै कुशे गाउँपालिका–८ को बिजुलीडाँडा र वडा नं ९ को पैंक जोड्ने स्थानीय खोलामा पुलसमेत प्रहरीकै सक्रियतामा निर्माण गरिएको छ । खोला तर्नका लागि स्थानीयवासीलाई समस्या भएपछि प्रहरीकै सक्रियतामा पुल निर्माण गरिएको थियो । सवारीसाधन जथाभावी चलाएर दुर्घटना पर्न सक्ने भन्दै जिल्लाभित्र चल्ने सवारी साधनमा टाइम कार्डसमेत लागू गरिएको प्रहरीले जनाएको छ । जनतासँग जोडिएर प्रहरीले सामाजिक सेवा मात्र होइन, विकृतिविरुद्ध अभियानसमेत चलाउने काम गरिरहेको नागरिक समाजका अगुवा हरिबहादुर सिंहले बताउनुभयो ।

प्रतिक्रिया

सम्बन्धित खवर

ताजा अपडेट
धेरै पढिएको

नारायणघाट–बुटवल सडकको दूरावस्थाले घटे लुम्बिनी जाने पर्यटक

नवलपुरमा ब्युटिसियन तालिमका सहभागीलाई दिईयो उद्यमशिलता विकास तालिम

नवलपुर सेवा समाज युएई द्वारा नवलपुरको दश वटा सामुदायिक विद्यालयहरुमा तिन लाखको अक्षयकोष स्थापना

महिला, बालबालिका तथा ज्येष्ठ नागरिक मन्त्री भगवती चौधरी नवलपुर कावासोती आउँदै

छिपछिपे सहकारी ठगी : ७ अभियुक्त पुर्पक्षमा जेल चलान

आजको राशिफल : वि.सं. २०८१ ज्येष्ठ २८ गते सोमवार || श्री पाथिभरा माताकाे कृपाले यी राशिहरूकाे चम्किनेछ भाग्य


TOP