मताअधिकारबाट बञ्चित नगर्न आग्रह – News Nepal Media
Trend

यौनिक तथा अल्पसङ्ख्यक, अपाङ्ग, दलित, ज्येष्ठ नागरिक, मुस्लिम तथा मधेसी संवाद समूहले आसन्न स्थानीय तहको निर्वाचनमा मताअधिकारबाट बञ्चित नगर्न आग्रह गरेको छ ।

सोमबार यहाँ आयोजना गरेको संवादमा निर्वाचनलाई शान्तिपूर्ण, स्वच्छ, मर्यादित, विश्वसनीय र अर्थपूर्ण सहभागितासहित सफल बनाउन समन्वय र सहकार्य आवश्यक भएकोमा जोड समेत दिइएको छ ।

यौनिक तथा अल्पसङ्ख्यक शीला गुरुङले बाँकेमा तेस्रो लैङ्गिकको सङ्ख्या ५०० बढी रहे पनि पहिचानसहितको नागरिकता नभएका कारण महिला या पुरुषकै लाइनमा लागेर मतदान गर्नुपर्ने अवस्था रहेको बताउनुभयो ।

लोपोन्मुख समुदायका सव्वीर किङ्घरियाले सीमान्तकृत समुदायमा मतदाता शिक्षा नपुगेको जनाउँदै मतको महत्वबारे पनि प्रकाश पार्न आवश्यक रहेको उल्लेख गर्नुभयो । राष्ट्रिय अपाङ्ग महासङ्घका सचिव भावुकजङ्ग थापाले अपागङ्ता भएका व्यक्तिका लागि विद्युतीय मेसिनमार्फत मतदानको व्यवस्था गरिनुपर्ने सुझाव दिनुभयो ।

अधिकारकर्मी प्रकाश उपाध्यायले मतदाता शिक्षा प्रभावकारी हुन नसकेको जनाउँदै मतदान गर्ने लाइन, खानेपानी, शौचालयलगायतमा विशेष ध्यान दिनुपर्ने आवश्यक्ता औँल्याउनुभयो । राष्ट्रिय मानवअधिकार आयोग नेपालगञ्जका प्रमुख झङ्कर रावलले अपाङ्ग, ज्येष्ठ नागरिकलगायतका सबै मतदातालाई सुरक्षित मतदान गर्ने अधिकार सुनिश्चिता गरिनुपर्नेमा जोड दिनुभयो । जिल्ला प्रशासन कार्यालय बाँकेका प्रशासकीय अधिकृत हरिशचन्द्र शर्माले मतदानमा सुरक्षा थे्रट नरहेको, मतदान केन्द्रको नियमित स्थलगत अवलोकनसँगै सुरक्षा विश्लेषणसहितको तयारी रहेको जानकारी दिनुभयो ।

मतदान केन्द्रलाई मतदातामैत्री बनाउन आवश्यक समन्वय, संवाद र सहकार्यका लागि सहभागीले प्रतिबद्धता जनाएका छन् । संवाद समूहका सहजकर्ता शुक्रऋषि चौलागाईँद्वारा सहजीकरण गरिएको कार्यक्रममा बादी समुदायकी अगुवा नेतृ सुशीला नेपाली, कशौधन महिला मञ्चकी अध्यक्ष सीतादेवी वैश्य, मुस्लिम महिला अगुवा मैमुना सिद्दिकीलगायतले निर्वाचन व्यवस्थित गर्ने सन्दर्भमा आ–आफ्नो सुझाव राख्नुभएको थियो । जिल्लामा १८ वर्ष पूरा भएका कूल तीन लाख २९ हजार ४७३ जनाले मतदान प्रक्रियामा भाग लिनेछन् । जिल्लामा मतदानस्थल १३६ र मतदान केन्द्र ३७९ छन् । जिल्लामा राष्टि

प्रतिक्रिया

सम्बन्धित खवर

ताजा अपडेट
धेरै पढिएको

नारायणघाट–बुटवल सडकको दूरावस्थाले घटे लुम्बिनी जाने पर्यटक

नवलपुरमा ब्युटिसियन तालिमका सहभागीलाई दिईयो उद्यमशिलता विकास तालिम

नवलपुर सेवा समाज युएई द्वारा नवलपुरको दश वटा सामुदायिक विद्यालयहरुमा तिन लाखको अक्षयकोष स्थापना

महिला, बालबालिका तथा ज्येष्ठ नागरिक मन्त्री भगवती चौधरी नवलपुर कावासोती आउँदै

छिपछिपे सहकारी ठगी : ७ अभियुक्त पुर्पक्षमा जेल चलान

आजको राशिफल : वि.सं. २०८१ ज्येष्ठ २८ गते सोमवार || श्री पाथिभरा माताकाे कृपाले यी राशिहरूकाे चम्किनेछ भाग्य


TOP