छात्राबास भवन निर्माण – News Nepal Media
Trend

म्याग्दीको धवलागिरि गाउँपालिका–७ शिवाङमा रहेको हेम नमूना आवासीय विद्यालयको छात्राबास निर्माण गरिएको छ । गण्डकी प्रदेश सरकारको आर्थिक सहयोगमा उक्त गाउँपालिकाले ठेक्कामार्फत झिनडाडाँमा तीनतले १२ कोठे भवन निर्माण गरेको हो । गाउँपालिकाका पूर्वाधार शाखाप्रमुख सवइञ्जिनीयर लोकेन्द्र रावलले रु दुई करोड ५५ लाखको लागतमा भवन निर्माण गरिएको जानकारी दिनुभयो ।

“आर्थिक वर्ष २०७६÷७७ मा रु दुई करोड र २०७७÷७८ मा रु एक करोड ४० लाख विनियोजन भएकामा जुम्ली माछापुच्छे« जेभीले पहिलो पटक रु एक करोड १५ लाख र दोस्रो पटक रु एक करोड ४० लाखमा ठेक्का सम्झौता गरेको थियो”, उहाँले भन्नुभयो, “ठेक्का सम्झौताअनुसारको सबै निर्माणका काम सके पनि प्रदेशको सामाजिक विकास मन्त्रालयबाट बजेट निकासा नहुँदा रु ९० लाख भुक्तानी गर्न बाँकी छ ।”

भवनमा करिब १०० विद्यार्थीलाई आवासीय सुविधा दिनसक्ने क्षमता छ । विकट क्षेत्रका विपन्न बालबालिकालाई सहजरुपमा आधारभूतस्तरको शिक्षाको पहुँचमा ल्याउन उक्त गाउँपालिकाले आव २०७६÷७७ देखि शिवाङको हेम माविलाई नमूना आवासीय माविमा रुपान्तरण गरेको थियो ।विद्यालयको पुरानो छात्राबास भवनमा बस्दै आएका विद्यार्थीको सहज बसाईं व्यवस्थापनका लागि नयाँ र सुविधायुक्त भवन निर्माण भएको हो । विद्यालयका प्रअ शेरबहादुर केसीका अनुसार हाल २६ बालबालिकाले आवासीय सुविधा पाएका छन् । भवन हस्तान्तरण भएपछि बन्दोबस्तीका सामग्री व्यवस्थापन गरेर छात्राबास प्रयोगमा ल्याउने तयारी गरिएको छ ।

छात्राबासको व्यवस्थापनका लागि आगामी आवमा रु १० लाख बजेट विनियोजन गरिएको वडाध्यक्ष अशोक खत्रीले बताउनुभयो । छात्राबासमा निःशुल्क खाने, बस्ने सुविधा दिइएपछि भौगोलिकरुपमा दुर्गम र विकट क्षेत्रका विपन्न तथा अनाथ बालबालिकालाई सहजरुपमा शिक्षा हासिल गर्न सुविधा पुगेको छ । सरकारी विद्यालयमा आवासीय सुविधा भएपछि दैनिक दुई÷तीन घण्टा दुःख कष्टका साथ भिर, जङ्गल र खोलाको बाटो पैदल हिँडेर स्कुल जानुपर्ने समस्या अब हटेको छ । गरिबी र पारिवारिक वातावरण नभएर विगतमा पढाइ छोड्नेक्रम अहिले घटेको छ ।

आवासीय विद्यालयमा गरिब, अपाङ्ग अभिभावक, अनाथ र नजिक विद्यालय नभएका कारण शिक्षा हासिल गर्नबाट बञ्चित विद्यार्थीलाई अध्ययनको व्यवस्था मिलाइएको छ । विकट र थोरै घरधुरीको बसोबास भएको बस्तीका बालबालिका आधारभूतस्तरको शिक्षा हासिल गर्नका लागि दैनिक दुई तीन घण्टा हिँडेर विद्यालय पुग्नुपर्ने, पढ्नका लागि डेरा लिनुपर्ने वा आफन्तकहाँ बस्नुपर्ने समस्या अन्त्यका लागि आवासीय विद्यालय सञ्चालन गरिएको गाउँपालिकाले जनाएको छ ।

प्रतिक्रिया

सम्बन्धित खवर

ताजा अपडेट
धेरै पढिएको

नारायणघाट–बुटवल सडकको दूरावस्थाले घटे लुम्बिनी जाने पर्यटक

नवलपुरमा ब्युटिसियन तालिमका सहभागीलाई दिईयो उद्यमशिलता विकास तालिम

नवलपुर सेवा समाज युएई द्वारा नवलपुरको दश वटा सामुदायिक विद्यालयहरुमा तिन लाखको अक्षयकोष स्थापना

महिला, बालबालिका तथा ज्येष्ठ नागरिक मन्त्री भगवती चौधरी नवलपुर कावासोती आउँदै

छिपछिपे सहकारी ठगी : ७ अभियुक्त पुर्पक्षमा जेल चलान

आजको राशिफल : वि.सं. २०८१ ज्येष्ठ २८ गते सोमवार || श्री पाथिभरा माताकाे कृपाले यी राशिहरूकाे चम्किनेछ भाग्य


TOP