१० खेलाडीले बन्द प्रशिक्षण छाडेर गएपछि १४ जना थपेर फुटबल प्रशिक्षण जारी – News Nepal Media
Trend

१६ वैशाख, काठमाडौं । १० खेलाडीले बन्द प्रशिक्षण छाडेर गएपछि मुख्य प्रशिक्षक अब्दुल्लाह अल्मुताइरीले एसियन कप छनोटको तयारीमा रहेको नेपाली टिममा १४ जना नयाँ खेलाडी थपेर प्रशिक्षण सुरु गरेका छन् ।प्रशिक्षक अल्मुताइरीकै कारण आफूहरुले बन्द प्रशिक्षण छाड्न बाध्य भएको भन्दै १० खेलाडीले बिहीबार संयुक्त रुपमा पत्रकार सम्मेन गरेर आफ्नो धारणा राखेका थिए । त्यही समयमा प्रशिक्षक अल्मुताइरीले भने नयाँ खेलाडी थप गरेर बन्द प्रशिक्षण जारी राखेका छन् ।अल्मुताइरीले १४ नयाँ खेलाडी थप गरेका प्रशिक्षणलाई जारी राखेका छन् । उता १० खेलाडीले भने प्रशिक्षकले नै आफूहरुलाई छाड्ने बाध्य पारेको भन्दै अब फेरि उनै प्रशिक्षकमातहत खेल्न गाह्रो हुने अभिव्यक्ति दिइसकेका छन् ।अखिल नेपाल फुटबल संघ एन्फाले खेलाडीहरुले बन्द प्रशिक्षण छाडेको र नयाँ खेलाडीहरु समावेश भएको बारे अहिलेसम्म आधिकारिक केही सार्वजनिक गरिसकेको छैन ।

बाँकी २३ खेलाडी प्रशिक्षणमा थिए । त्यसमा १० जनाले छाडेपछि पुराना १३ खेलाडी बाँकी रहे । प्रशिक्षकले १४ नयाँ खेलाडी थप गरेपछि अहिले प्रशिक्षणमा २७ खेलाडी छन् । त्यसमध्ये कति खेलाडी बिहीबार प्रशिक्षणमा उपस्थित थिए भन्ने एकिन छैन । एन्फाले पनि खेलाडीको नाम सार्वजनिक गरेको छैन ।

प्रतिक्रिया

सम्बन्धित खवर

ताजा अपडेट
धेरै पढिएको

नारायणघाट–बुटवल सडकको दूरावस्थाले घटे लुम्बिनी जाने पर्यटक

नवलपुरमा ब्युटिसियन तालिमका सहभागीलाई दिईयो उद्यमशिलता विकास तालिम

नवलपुर सेवा समाज युएई द्वारा नवलपुरको दश वटा सामुदायिक विद्यालयहरुमा तिन लाखको अक्षयकोष स्थापना

महिला, बालबालिका तथा ज्येष्ठ नागरिक मन्त्री भगवती चौधरी नवलपुर कावासोती आउँदै

छिपछिपे सहकारी ठगी : ७ अभियुक्त पुर्पक्षमा जेल चलान

आजको राशिफल : वि.सं. २०८१ ज्येष्ठ २८ गते सोमवार || श्री पाथिभरा माताकाे कृपाले यी राशिहरूकाे चम्किनेछ भाग्य


TOP