नेकपा एकिकृत समाजवादीका अध्यक्ष माधव नेपाल संसदमा एमाले अध्यक्ष केपी ओलीप्रति आक्रामक देखिएका छन्।

सोमबार प्रतिनिधिसभामा नीति तथा कार्यक्रम माथि आफ्ना धारणा राख्ने क्रममा नेपालले एमाले अध्यक्ष ओलीलाई आफ्नै कारणले दुःख पाएको भन्दै व्यङ्ग्य गरे। उनले भने‘अरुलाई घोचपेच गरेर मात्र हुँदैन्। आफ्नो पिडा व्यथा पोखेर मात्र हुँदैन्।

सरकारमा बस्न सकिएन त्यो बेग्लै कुरा हो। किन बस्न सकिएन त्यसको पछाडी पनि अरुलाई दोष दिएर हुँदैन। बनिसकेको सरकार किन आफ्नो हातबाट फुत्क्यो त्यसको लागि अरुलाई सत्तो सराप गरेर हुँदैन।

सबै भन्दा ठुलो समस्या व्यक्तिबादको रोग हो। आफुलाई सर्वज्ञानी ठान्ने प्रवृत्ति हो।’उनले ओलीले आफूलाई सर्वज्ञ तथा सर्वश्रेष्ठ ठान्दा समस्या भएको दोहो-याए ।