नवलपुरमा मोटरसाईकल दुर्घटना हुँदा एकजनाको मृत्यु अर्का एक गम्भिर घाईते ।
कावासोती । पूर्वी नवलपरासीमा गए राति भएको सवारी दुर्घटनामा १ जनाको निधन भएको छ ।
जिल्लाको हुप्सेकोट गाउँपालिका ३ बेलाहानी स्थित भित्री सडक खण्डमा झ्यालबासबाट गिरुवारीतर्फ जाँदै गरेको लु ३६ प ५४९७ नम्बरको मोटरसाइकल दुर्घटनामा परेको जिल्ला प्रहरी कार्यालय नवलपुरले जनाएको छ ।
दुर्घटनामा परी मृत्युहुनेमा मोटरसाईकल चालक हुप्सेकोट २ मोहन डाँडा बस्ने बर्ष २१ को पदम बहादुर बयम्बु रहेका छन्भने उक्त मोटरसाईकलका पछाडी सवार रहेका रहेका मोहन डाँडा कै बर्ष २२ को हिरा बहादुर आले गम्भिर घाईते भएका थिए । आलेलाई उपचारको लागी भरतपुर अस्पताल लगिएको प्रहरीले जनाएको छ ।
