![](https://newsnepalmedia.com/wp-content/uploads/2024/06/GH017195.MP4.05_48_52_30.Still001.png)
रिटर्नी माईग्रेट नेपालको आयोजनामा नवलपुरको दुई नगरपालिकामा सन्चालित एकमहिने ब्युटिसियन तालिममा सहभागी महिला दिदिबहिनीहरुलाई दुई दिने उद्यमशिलता बिकास तालिम दिईएको छ । बैदेशिक रोजगारमा गएका युवाहरुको घर परिवारका महिला दिदि बहिनीहरुको सिप विकासका लागी नवलपुरका ४ नगरपालिकामा ब्युटिसियन तालिम हाल सन्चालनमा रहेको छ ।
तालिम पश्चात कसरी आफ्नो उद्यम सुरु गर्ने भन्ने अलमललाई चिर्नका लागी जिल्लाको गैंडाकोट नगरपालिका र देवचुली बरिष्ठ बिज्नेस कन्सल्ट्यान्ट अर्जुन प्रसाद भट्टराई द्वारा नगरपालिकामा सन्चालित ब्युटिसियन तालिमका सहभागीलाई तालिम दिईएको रिटर्नी माईग्रेट नेपाल नवलपुरका अध्यक्ष रेशम खत्रीले जानकारी दिनुभयो ।
तालिममा सहभागीलाई ब्यबसाय सुरुगर्दा र सुरु गरिसकेपछि कसरी सफल हुने कष्टमरसग कस्ता ब्यवाहार गर्ने के कति पुजी परिचालित गरेर उद्यम सुरु गर्ने , र के भयो भने असफल को भय हुन्छ लगायतका विषयमा गम्भिर भएर दुई दिन छलफल तथा प्रशिक्षण दिईएको खत्रीले जानकारी दिनुभयो ।
महिलालाई उद्यम बनाउन सके बैदेशिक रोजगारमा गएकाको कमाई बचत हुने हुदा आफुहरुले जिल्लाको सम्बन्धीत नगरपालिकाको सहयोग र राष्ट्रिय युवा परिषदको समन्वयमा एक महिने आधारभुत ब्युटिसियन तालिम नवलपुरको गैंडाकोट नगरपालिका , देवचुली नगरपमलिका , कावासोती नगरपालिका र मध्यविन्दु नगरपमलिकामा सन्चालन गरेको रिटर्नी माईग्रेट नेपाल गण्डकी प्रदेश संयोजक नेत्र नारायण थनेतले जानकारी दिनुभयो । उक्त तालिमको समापन यसै महिनाको अन्तिम हप्ता नेपाल सरकारकी माननिय महिला वालबालिका तथा जेष्ठ नागरिक मन्त्रालयकी मन्त्री भगवती चौधरी मार्फत गर्नको लागी तयारी भएकोपनि थनेतले जानकारी दिनुभयो ।
आधारभुत ब्युटिसियन तालिमामा सहभागी प्रशिक्षार्थीहरुले निकै मन लागेर सिकिरहेको थ्रि स्टार प्रशिक्षण केन्द्रकी सन्चालिका तथा तालिमकी प्रशिक्षक सिर्जना सोतीले बताउनु भयो । उनीहरुको स्किल टेष्टको समेत ब्यबस्था गरिदिएकोमा रिटर्नी माईग्रेट नेपाल लाई धन्यवाद समेत दिनुभयो ।
एकमहिने ब्युटिसियन तालिमामा सहभागी गैंडाकोटकी सबिता न्युरेले आफुहरुलाई यो आधारभुत तालिमले निकै उर्जा थपेको बताउनु भयो । रिटर्नी माईग्रेट नेपाल र प्रशिक्षक सिर्जना सोतीलाई धन्यवाद दिदै यतिले मात्र अझै प्रयाप्त नभएको हुदा यो भन्दा अगाडी बढ्न चाहिने बाकि तालिम र सिपको ब्यबस्थापनि गरिदिन आग्रह गर्नुभयो । एकमहिने तालिमामा नवलपुरको चार नगरपालिकाका करिब १०० जना महिला दिदिबहिनीहरु सहभागी छन् ।
![](https://newsnepalmedia.com/wp-content/uploads/2024/06/wada-7-.jpg)
![](https://newsnepalmedia.com/wp-content/uploads/2023/05/add-aantarik-mamila-1024x1024.jpg)